Навучэнцы Наваполацкага музкаледжа заваявалі тры ўзнагароды на VI Рэспубліканскім адкрытым конкурсе выканаўцаў на аркестравых інструментах імя знакамітага беларускага кампазітара Яўгенія Глебава.
Гэта незвычайнае спаборніцтва. Яно праводзіцца раз у тры гады, а пераможцы маюць права быць залічанымі ва ўстановы вышэйшай адукацыі без
уступных экзаменаў. Таму ўдзел у суперніцтве – ўжо знакавая падзея для юных артыстаў.
Сёлета конкурс аб’яднаў больш за 140 талентаў з устаноў сярэдняй спецыяльнай адукацыі Рэспублікі Беларусь і Расійскай Федэрацыі. У журы сядзелі выбітныя дзеячы культуры і мастацтва. Аднак высокія канкурэнцыя і адказнасць не спужалі новапалачан. Скарбонку ўзнагарод музкаледжа яны папоўнілі трыма дыпломамі ІІІ ступені.
Для флейтысткі Кацярыны Рабкоўскай зорнай стала намінацыя «Драўляныя духавыя інструменты», для трубача Цімафея Уласенка – «Медныя духавыя і ўдарныя інструменты», для віяланчэліста Марка Лешчана – «Струнныя і смычковыя інструменты».
Нэлі РАДЗЬКО
Материал с сайта Новополоцкой городской газеты «Новополоцк сегодня»
